ثلاثة أحزاب.. بالمشبرح


جو حمورة

شو يا!؟ اي انت، يا قومي سوري إجتماعي يلي معبا الغرفة صور أنطون سعادة وعا شويّ حـ تصليلو، دخلك هادا نفسو انطون لي قال: “إننا نحب الحياة لأننا نحب الحرية، ونحب الموت متى كان الموت طريق إلى الحياة” ؟ شو وينك ما طالع حسك بهل ثورة؟ يعني ئديش شفت فيديوهات عن الثورة السورية ما شفت ولا زوبعة من زوابعك بشي شارع أو حيّ، هلأ صرت تحبو لبشار!؟ هيك علّمك سعادة تكون مع المجرمين؟ توقف مع اللي حظر حزبك وقتلكون وقتل غيركون؟ دخلك من بعد ما هَلَكت سما ربنا بالعلمانية وتدخل رجال الدين بالسياسية هيدا اللي بتنزل بتهيصلو تبع حزب الله مدني علماني ما هيك !؟

وإنتِ يا شيوعية، يللي قاعدة عم تسحبي بالأركيلة وعم تسمعي زياد الرحباني، وعم تبشّري بالثورة، شو وينا المناجل والرايات الحمر؟ّ! والله اشتهيت شوف شي صورة لجيفارا بهل ثورات كلا، وينِك تاركة هل فقراء لحالون بوج الجيوش العربية، دخلِك عم تطلعي انتِ وخيّك بهالمظاهرات؟ ولا كلكن خلصت إيامكون! وعلى فكرة خالد حدادة ما شلش بعد بالحزب حـ يصرلو أكتر من غسان غصن متربع بالسلطة. على فكرة لينين مات والماضي وأمجادو ومعمل غندور كلون صارو من التاريخ، عملو شي مرة شي جديد، ما زهقتو من حالكون!

وإنت يا صديقي الناصري، يللي كنت بدك تحرر فلسطين باحلامك، واكتر شي كنت تشوفو غلط بتاريخ سوريا انفصالا عن مصر وتحكّم البعث فيها، دخلك وينا صور عبد الناصر بهالثورات؟ وينو شعارو بهالإيام: ” ارفع رأسك يا اخي فقد انتهى عهد الاستعباد” ؟  دخلك عملتلك شي مظاهرة أو إعتصام أو مضيتلك على شي عريضة بهالقرب؟ ولا خلصت إيام النضال وصار وقت الخنوع ؟ بعدان دخلك مين اللي دبح بالمرابطون ولغييون ببيروت؟ الشبيحة، بس بوقتا كانوا بعدون صغار.

خلص، خلصّت إيامكون وكلمالكون بترجعوا لـ ورا، روحو فرطوها لهل أحزاب والدكاكين وعملو شي جديد.

————————

العودة الى الصفحة الأساسية

Advertisements

4 thoughts on “ثلاثة أحزاب.. بالمشبرح

  1. بالإذن من فخامتك، حكمك على الطرف الشيوعي كتير شمولي. ما فينا ننسى إنو معظم الشيوعيين هني خارج أحزابهم المصدّاية مثل مقالتك الصبيانية يلي فيها تهجم على الشيوعيين مش على الأحزاب الشيوعية الرسمية. كتير غلطان.

    • كل الأحترام لمن ترك هذه الأحزاب المصداية كما وصفتها، لكن المقصود هو هذه الأحزاب التي ما تزال تعيش في غياهب الماضي وأمجاده الزائفة ولم تقدم أي جديد للوطن او الناس، بل مجرد ترداد الكلام الببغائي ذاته منذ عقود

Leave a Comment

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s